O‘zbekiston Respublikasi Prezidentining 2019 yil 23-oktabrdagi PF-90-sonli “O‘zbekiston Respublikasi qishloq xo‘jaligini rivojlantirishning 2020-2030-yillarga mo‘ljallangan strategiyasini tasdiqlash to‘g‘risida”gi Farmonida qishloq xo‘jaligi va oziq-ovqat sohasini rivojlantirish bo‘yicha Hukumat va hamkorlar forumini tashkil etish belgilangan. 

Forumda Yevropa Ittifoqining yurtimizdagi delegatsiyasi, FAO, UNDP, UNESCO, UNICEF , WB, ADB, GIZ, TIKA, IFAD kabi 30 dan ortiq O‘zbekiston qishloq xo‘jaligi va oziq-ovqat sektorini rivojlantirish hamkorlari, xalqaro moliyaviy institutlar, donor tashkilotlar, shuningdek, turli davlatlarning mamlakatimizdagi elchixonasi vakillari ishtirok etdi.

• Tadbir davomida xalqaro hamkor tashkilotlar bilan amalga oshirilgan ishlar natijadorligi, kelajakdagi rejalar va hamkorlik istiqbolidan ko‘zlangan maqsadlar borasida so‘z bordi.