Bugun O‘zbekiston Respublikasi Qishloq xo‘jaligi vazirligi huzuridagi Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi tomonidan “Qishloq xo‘jaligida kooperatsiya munosabatlarini rivojlantirish asosida tarmoqda qo‘shilgan qiymat zanjirini yaratish yo‘llari” mavzusida xalqaro miqyosdagi ilmiy-amaliy anjuman bo‘lib o‘tdi.

Tadbirni O‘zbekiston Respublikasi Qishloq xo‘jaligi vazirligi huzuridagi Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi direktori Shoxrux Akramov ochib berdi.

Ushbu ilmiy-amaliy anjumandan ko‘zlangan asosiy maqsad, bozor tamoyillariga asoslangan qishloq xo‘jaligini barpo qilishda kooperatsiya munosabatlarini qaror toptirish asosida xo‘jalik subyektlarining o‘zaro hamkorligini rivojlantirish, sohaning barqarorligini ta’minlash bo‘yicha ilmiy-amaliy jihatdan asoslangan takliflar ishlab chiqishdir.

Xalqaro miqyosdagi ilmiy-amaliy anjumanda sohada kooperatsiya munosabatlarini rivojlantirish asosida tarmoqda qo‘shilgan qiymat zanjirini rivojlantirish bo‘yicha navbatdagi vazifalar aniqlandi va ularning yechimi yuzasidan quyidagi takliflar shakllantirildi:

• - qishloq xo‘jaligi sohasida kooperatsiya munosabatlarining ilmiy-nazariy asoslarini takomillashtirish;

• - kooperatsiya munosabatlarini rivojlantirish bo‘yicha huquqiy asoslarni mustahkamlash;

• - sohada kooperatsiya munosabatlariga asoslangan kooperativ korxonalarni tashkil qilishning tashkiliy-iqtisodiy tuzilmalarini shakllantirish;

• - kooperatsiya munosabatlari asosida qo‘shilgan qiymat zanjirini rivojlantirish; 

• - qo‘shilgan qiymat zanjirini rivojlantirishning ijtimoiy-iqtisodiy ahamiyatini asoslab berish; 

• - kooperatsiya munosabatlari rivojlangan xorijiy davlatlarning ilg‘or tajribalari va ulardan respublikamiz sharoitida foydalanishning ustuvor yo‘nalishlarini belgilab berish.