Mamlakatimizda qishloq xo‘jaligi sohasini yanada rivojlantirish maqsadida xalqaro darajada moliya tashkilotlari bilan hamkorlik ishlari samarali yo‘lga qo‘yilgan.

Xususan, “Chemonics International” (AQSh) kompaniyasi hozirgi kunda USAID dasturlari doirasida yurtimizda agrobiznes hamda mahalliy davlat hokimiyati faoliyatini yanada rivojlantirish bilan bog‘liq bir qator loyihalarni amalga oshirish rejalashtirilmoqda.

Joriy yilning 16 - 23 yanvar kunlari mamlakatimizda bo‘lishi rejalashtirilgan “Chemonics International” vakillari (AQSh) kompaniyasi rahbari Marcos Moreno Halphen,  Evropa va Osiyo mamalaktlari regional direktori Merdan Annamanov hamda Bekhzod Umarov (UNDP) tashrifning ilk kunida Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazida bo‘ldilar hamda mutasaddi xodimlar bilan uchrashdilar. Uchrashuv davomida qishloq xo’jaligining turli sohalari: suv va resurs tejovchi texnologiyalar, bog’dorchilik, chorvachilik, tuproq unumdorligi, iqlim o’zgarishi sharoitida maqbul yechimlar borasida fikr almashildi.  Shu bilan birga, Markaz qishloq xo‘jaligi va atrof muhitni himoya qilish sohalarida xalqaro hamkorlikka doimo tayyor ekanligi bildirildi.