Joriy yilning 14-15-fevral kunlari Samarqand agroinnovatsiyalar va tadqiqotlar institutida “Agrar sohadagi oliy ta’lim va ilmiy-tadqiqot muassasalarida xalqaro hamkorlikni yanada rivojlantirish” mavzusidagi netvorking tadbir bo‘lib o‘tdi.

Mazkur netvorking tadbirda O‘zbekiston Respublikasi Qishloq xo‘jaligi vazirligi tizimidagi oliy ta’lim va ilmiy-tadqiqot muassasalari rahbarlari, Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi mas’ullari, xalqaro hamkor tashkilotlar, grant loyihalari rahbarlari hamda bir qator xorijiy ekspertlar ishtirok etdilar.

Tadbir davomida oliy ta’lim va ilmiy-tadqiqot muassasalarida xalqaro hamkorlik ishlarini yanada rivojlantirish, xorijiy grant loyihalarini amalga oshirish ko‘lamini kengaytirish, loyihalar tanlovida qatnashish va rasmiylashtirish tartiblari, innovatsion yechimlarni joriy etish kabi masalalar borasida so‘z bordi.