Kuni kecha Markaziy Osiyo Xalqaro institutida “Markaziy Osiyoda oziq-ovqat xavfsizligini ta’minlash” mavzusida davra suhbati bo‘lib o‘tdi. 

Unda Qishloq xo‘jaligi vazirligi, Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi mas’ullari hamda ushbu sohada faoliyat olib borayotgan bir qator tashkilotlar vakillari ishtirok etdilar.

Tadbirda institut direktori Javlon Vahobov, davlat va jamoat arboblari, diplomatlar Saidmuxtor Saidqosimov, Nosir Yusupov ham ishtirok etdi hamda so‘zga chiqdi.

Dunyoda  iqlim o‘zgarishi va mintaqaviy muammolar mavjud bo‘lgan va ortib borayotgan bir vaqtda Markaziy Osiyo davlatlarida oziq-ovqat xavfsizligini ta’minlashga qaratilgan siyosat, yechimlar va tizimlarni yaratish bo‘yicha ekspertlar bilan fikr almashildi.

Ayni damda sohada markazlashgan yagona platforma yaratish bo‘yicha olimlarimiz, soha mas’ullari tomonidan bir qator ishlar olib borilmoqda.

Kelgusida albatta mazkur tadqiqotlar hamda ularning natijalari borasida ma’lumot berib boramiz.