Jahon bankining yangilangan ekologik va ijtimoiy baholash shakli mezonlariga bag‘ishlangan seminar-treninglar bo‘lib o‘tdi

Avvalroq Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazida Jahon bankining “O‘zbekiston Respublikasida qishloq xo‘jaligini modernizatsiya qilish” loyihasining 2-komponenti doirasida ishtirok etuvchi moliya tashkilotlari (banklar va agrolizing tashkilotlari) orqali ajratiladigan kreditlarni ekologik va ijtimoiy baholash maqsadida yangilangan baholash shaklini muhokama qilish bo‘yicha yig‘ilish bo‘ib o‘tgan edi.

Ushbu tadbirning davomi sifatida joriy yilning 4 fevralidan 6 mart kuniga qadar viloyatlar miqyosida loyihada ishtirok etayotgan banklar va uzagrolizing tashkiloti mutasaddi hodimlari uchun seminar-treninglar tashkil etildi. 

 Mazkur seminar-treninglarda  122 nafar hamkor tashkilotlar xodimlari ishtirok etdi hamda ularga Jahon bankining ekologik, ijtimoiy standartlari va yangilangan shakldan to‘g‘ri foydalanish bo‘yicha loyiha mas’ullari tomonidan ma’lumotlar taqdim etildi.